Міністэрства адукацыі Беларусі выключыла з палажэньня аб установе дашкольнай адукацыі права індывідуальных прадпрымальнікаў рэалізоўваць адукацыйныя праграмы.
Як адзначаецца ў адпаведнай пастанове Міністэрства адукацыі, гэтая норма пачне дзейнічаць з 1 верасьня 2025 году.
У ведамстве патлумачылі, што гэтая норма ўведзеная абноўленай рэдакцыяй Кодэксу Беларусі аб адукацыі.
«Гэтая норма дазволіць упарадкаваць дзейнасьць установаў адукацыі і арганізацый пры рэалізацыі адукацыйнай праграмы дашкольнай адукацыі, забясьпечыць якасны адукацыйны працэс, выкананьне санітарна-эпідэміялягічных патрабаваньняў», — патлумачылі ў Міністэрстве адукацыі.
У той жа час у ведамстве адзначылі, што захавалі магчымасьць рэалізацыі праграмы дадатковай адукацыі дзяцей і моладзі на запыт бацькоў.
ГЛЯДЗІЦЕ ТАКСАМА: Удар па рэпэтытарах. Улады працягваюць наступ на прыватную адукацыю: што прыдумалі на гэты раз