Пратэсты супраць іміграцыйнай палітыкі Дональда Трампа выйшлі па-за межы Каліфорніі — дэманстранты сабраліся ўвечары 11 чэрвеня ў Сіетле, іх разганяла паліцыя, піша AP.
Пратэстоўцы ў Сіетле выступалі супраць рэйдаў іміграцыйнай і мытнай паліцыі ЗША (ICE) і рашэньня Трампа ўвесьці войскі Нацыянальнай гвардыі ў Лос-Анджэлес. Дэманстранты паводзілі сябе нямірна, паліцыя разагнала натоўп.
У горадзе Спакан у штаце Вашынгтон мэрыя ўвяла надзвычайнае становішча і камэнданцкую гадзіну.
- Актывісты плянуюць правесьці больш маштабныя дэманстрацыі бліжэйшымі днямі. Найбольш масавыя акцыі па ўсёй краіне ў рамках кампаніі No Kings («Не — каралям») заплянаваныя на 14 чэрвеня, дзень, калі ў горадзе Вашынгтон пройдзе вайсковы парад (гэта і дзень народзінаў Дональда Трампа). Адміністрацыя прэзыдэнта ЗША заявіла, што працягне праграму рэйдаў і дэпартацыяў, нягледзячы на пратэсты.
- Пратэсты супраць іміграцыйных рэйдаў ICE пачаліся 6 чэрвеня ў Каліфорніі — пасьля таго, як за тыдзень арыштавалі больш за 100 імігрантаў. Дональд Трамп накіраваў у Лос-Анджэлес байцоў Нацыянальнай гвардыі, а мэрыя гораду абвясьціла камэнданцкую гадзіну. Супраць увядзеньня войскаў выступіў губэрнатар Каліфорніі Гэвін Ньюсам, які абвясьціў, што падасьць у суд на прэзыдэнта.
Форум